Највузбудливиот меч во првото коло на Австралија опен траеше речиси четири часа, а на крајот се радуваше Енди Мареј. Некогашниот најдобар тенисер во светот, со 3:1 во сетови го победи Николоз Басилашвили, кој во Мелбурн дојде како 23-ти тенисер во светот.
Мареј лесно го доби првиот сет со 6:1, а Басилашвили возврати во вториот со 6:3. Во третиот сет Мареј беше подобар со 6:4, а четвртиот донесе драма во која Басилашвили израмни на 2:2 откако во тај-брејкот беше подобар со 7:5 Во решавачкиот петти сет, одличи еден брејк на Британецот, па Мареј го доби со 6:4 за конечни 3:2 во сетови.
Мареј моментно е на 113 место на АТП листата и на Австралија опен дојде благодарение на покана од организаторот. Во второто коло Мареј ќе игра против Таро Даниел кој е на 120 место на АТП листата што значи дека Британецот има добра шанса за пласман во третото коло.
Енди во кариерата има освоено 46 турнири, од кои три му се на Гренд слем турнирите (Вимблдон 2013 и 2016, како и САД Опен во 2012 година). Мареј на Австралија опен дури пет пати играл во финалето (2010, 2011, 2013, 2015 и 2016 година), но ниту еднаш не го освоил трофејот.
