Реал Мадрид синоќа го одигра првиот меч на својот стадион во новата сезона. На „Сантијаго Бернабеу“ Кралевите го победија Бетис со 2:1, а ова беше првиот дуел на кои ѕвездите на Реал влегоа во новата реновирана соблекувална.
Веќе две години трае реконструкцијата на целиот стадион, а сега соблекувалните го добија својот нов изглед. Секој фудбалер има свое удобно место за седење и свое шкафче. Во склоп на соблекувалната има и посебна просторија за тренерот Карло Анчелоти и неговиот стручен штаб во која ја подготвуваат тактиката пред мечот.
Стандардно тука се и тушевите, тоалетите, како и мини теретана. Има и базени за топла и ладна рекуперација, како и сауна.
Комплетната реконструкција на „Сантијаго Бернабеу“ треба да биде завршена на пред почетокот на следната сезона, а стадионот тогаш ќе може да биде домаќин и на тениски, кошаркарски и ракометни натпревари, како и домаќин на музички концерти.
