Поминаа 348 денови откако младиот фудбалер на Барселона, Гави, го одигра својот последен меч, а вечерва има прилика да се врати на терените по едногодишна пауза.
Гави се најде на листата на Барса за средбата со Севилја, а ако влезе во игра, тоа ќе му биде прв клупски настап од 7-ми ноември лани, кога Барса гостуваше кај Шахтар во Хамбург во меч од Лигата на шампионите. На Гави после мечот со Грузија на 19-ти ноември 2023 му беше дијагностицирано кинење на предните вкрстени лигаменти во десното колено и не можеше да игра речиси една година.
Во конкуренција за вечерва е и новиот голман Војчех Шчесни кој уште го чека своето деби на голот на Каталонците откако потпиша како слободен агент по повредата на Марк Андре Тер Штеген.
Gavi está de vuelta. pic.twitter.com/9czYJ943vv
— FC Barcelona (@FCBarcelona_es) October 20, 2024
