Славниот аргентински клуб Бока јуниорс, го претстави својот нов спонзор чие име ќе стои на задната страна на дресовите на тимот, но има и една „цака“. Наместо само логото, на дресот ќе стои целосното име на компанијата, а причината е лутото ривалство со Ривер плејт.
Оригиналниот изглед на логото на фирмата Гарбарино е во црвена и бела боја, а тие бои се „забранети“ во Бока, бидејќи потсетуваат на Ривер. Затоа, оригиналното лого е исфрлено од дресот и најдено е друго решение.
Во Бока уште се свежи сеќавањата од 2009 година кога играа со дресови на кои централно на предната страна имаше лого на компанијата „ЛГ“ и тоа лого беше во боите на Ривер, нешто што фановите никогаш не му го простија на тогашното раководство.
