Новата суперѕвезда на ПСЖ, Лионел Меси, даде големо интервју за „Франс фудбал“ во кое ги откри своите фаворити за освојување на Лигата на шампионите, и за „Златната топка“ која ја доделува „Франс фудбал“.
„Освојувањето на ЛШ е желба на сите во ПСЖ. Клубот работеше на постигнувањето на таа цел во последните години и конечно е блиску. Лично јас, имам огромна желба да го освојам трофејот. Во ПСЖ ги имаме неопходните оружја за да триумфираме. Во центарот на вниманието е ПСЖ, но има и други добри тимови како Челзи, Манчестер јунајтед, Манчестер сити, Реал Мадрид, Баерн, Интер, Милан. Сите тие се фантастични тимови“ – рече Меси кој ја „заборави“ неговата Барса за која играше цела професионална кариера, до пролетоска.
Меси е еден од фаворитите за „Златната топка“, но тој лично би гласал за Мбапе и Нејмар.
„Тие се мои фаворити, иако Бензема и Левандовски истотака имаа одлична година. Не мислам дека јас сум фаворит, но ако наградата ја добијам јас, би било чудесно и ќе бидам среќен и благодарен, но не мислам на тоа сега. И со шест сум единствениот играч, ако освојам седма, би било неверојатно“ – додава Меси.