На дуелот Барселона – Атлетико Мадрид имаше една ситуација која предизвика реакции во шпанската јавност, и во Барса сметаат дека биле оштетени, дека требало судијата Иштван Ковач да им додели пенал.
Во 54-тата минута, Пубил ја допре топката со рака и ја намести на петерец, но по додавање од голманот Мусо. Немаше никаква реакција ни од ВАР собата.
Некои експерти сметаат дека тоа е скандал и морало да има пенал, исто како во ноември 2024 кога за иста ваква бизарна работа беше досуден пенал за Клуб Бриж на средбата со Астон Вила.
Но, одговорот зошто немаше пенал за Барса веројатно го даде екс судијата Алфонсо Перес Буруљ.
„Судијата ја протолкува ситуацијата како топката да не е во игра. Немаше противник во близина, а примената на правилото е во духот на фер играта“, изјави Бурул во програма на Радио Марка.
Y esta mano????? #BarçaAtleti pic.twitter.com/F0iHP42qPK
— Ismael (@MR_IsmaelJ) April 8, 2026
