Второто коло на популарната Спортска прогноза за типување ви нуди 13 меча од Топ-5 лигите во Европа и тоа е доволен предизвик да се вклучите во бесплатната игра и да чекате некоја од наградите. Максимален број погодени натпревари на популарната Тринаесетка носи прекрасна награда во секое коло, „ајфон 11“.
Во првото коло над 1.000 прогнозери типуваа и ја почнаа трката за неделните награди и за што подобра позиција во Генералниот пласман, но и сега не е доцна да се вклучите доколку не прогнозиравте во првото коло.
Прогнозирањето е во тек и можете да го попoлнувате вашиот тикет на интернет-страницата на Sport Life. Принципот е многу едноставен, треба да имате СЛ картичка или да сте активни учесници во ОНЛАЈН обложувањето Sport Life.
Во фокусот во оваа рунда е дуелот меѓу Челзи и Ливерпул од англиската Премиер лига. Дербито се игра в недела, на „Стемфорд бриџ“ во Лондон, а од оние што досега типувале, повеќемина се определиле за нерешено, додека бројот на тие што мислат дека ќе победат Сините е речиси ист со тие што типуваат на Црвените. Кај овој пар изедначеноста во процентите е голема, но има неколку меча на кои огромно мнозинство типувало за победа на домашните или гостите, па покрај такви „сигурици“, полесно е да се дојде до награда.
Вашите прогнози можете да ги ставате најдоцна до 15.30 часот в сабота, кога почнуваат двата дуели од Бундеслигата што се на менито на Тринаесетката во ова коло. Сите што ќе имаат по 12 погодени натпревари, ќе добијат ваучери од по 1.000 денари, а за погодени 11 меча, ви следува ваучер од 500 денари.
Секако, важни се и поените од резервните парови во секое коло бидејќи важат во битката за подобри позиции во Генералниот пласман. Шампионот во Генералниот пласман ќе добие ТВ Смарт од 48 инчи, а ќе има уште многу награди за учесниците во играта што привлече многу внимание, а е исклучително едноставна за играње и не ве чини ништо.
