Во светот на спортот се видени најразлични ситуации, но тоа што се случи во Пекинг е голема срамота и покажување на неспортско однесување. Се трчаше полумаратонот во Пекинг, а веднаш по трката е започната истрага, и тоа поради тоа што победи домашниот атлетичар Хе Џие.
Победата немаше да биде спорна ако се знае дека двајца кениски натпреварувачи и еден етиописки атлетичар водеа во текот на целата трка и се очекуваше тие да бидат тројцата најдобри. Сепак, во финишот на маратонот, се случи скандал.
Кенијците Роберт Кетер и Вили Мнангат заедно со Хаили Бикили од Етиопија водеа до пред самиот крај, а потоа изненадувачки до нив се појави Џие. Сите четворица задно трчаа кон целата, а африканските атлетичари кои беа големи фаворити, едноставно на домашниот натпреварувач му дозволија да победи.
Џие е азиски првак во маратон, но очигледно беше дека доби помош од противниците за да победи на свој терен.
„Започнавме истрага и кога ќе ги имаме резултатите од неа, ќе ги објавиме јавно“, стои во соопштението на спортското биро на Пекинг.
Beijing authorities are investigating yesterday's Beijing's half-marathon after a footage showed Kenyans Robert Keter, Willy Mnangat and Hailu Bikila of Ethiopia deliberately allowing China’s He Jie to win. pic.twitter.com/HU4VAFTSLj
— Cornelius K. Ronoh (@itskipronoh) April 15, 2024
