Реал Мадрид се намачи, но на крајот успеа да се пласира во финалето на Купот на Шпанија откако дури по 120-минутна драма одигра 4:4 против Реал Сосиедад. Мадридскиот гигант се пласира во финалето откако во првиот меч на гости победи со 1:0.
Кралскиот клуб беше на работ на елиминација откако губеше со 1:3, но Реал ја покажа силата и брзо стигна до 3:3, а да гостите потоа дадоа и четврти погодок и имаа 4:3 по 90 минути игра. Во дополнителните 30 минути домаќините постигнаа гол за 4:4 и голема радост на крајот.
Реал едноставно се намачи на овој меч и до последната минута стравуваше дека може да биде елиминиран, па домашните играчи не бираа начин како да ги сопрат расположените гости.
Во еден таков напад на Сосиедад, Камавинга имаше лоша проценка на летот на топката, па кога извиси, играчот на Реал Мадрид само падна на земјата како покосен и веднаш се фати за глава.
Судиите имаат инструкции дека кога ќе видат фудбалер да се држи за главата и да се жали на повреда, веднаш треба да ја прекинат играта. Арбитерот ја прекина играта, и тоа во моментот кога Сосиедад беше во гол-шанса.
Гостинските играчи се чудеа зошто играта е сопрена, а Камавинга на крајот го исполни тоа што го сакаше. Иако извиси и не успеа да ја стигне топката, на крајот, со глума дека е повреден, го сопре опасниот напад на противникот.
Qué es esto tú, no tienen ningún tipo de vergüenza, encima se quedaba solo pic.twitter.com/807hrkykb4
— Herrero⭐ (@herrerodiego_09) April 1, 2025
