Поразот на Арсенал од 2:0 на гостувањето кај новиот премиерлигаш Брентфорд го налути и претседателот на Руанда, Пол Кагаме, кој бара тимот да игра фудбал и да почне да победува.
„Не смее да се бара алиби, туку треба да почнете да играте фудбал. Тимот има квалитет и мора да победува“, напиша на Твитер првиот човек на африканската држава.
What?? It's football,it's a loss of Arsenal at/to Brentford. Brentford deserved to win and they did. The game itself aside Arsenal and the fans don't deserve to kind of get used to this….NO !!! I say this as one of the big fans of Arsenal. The change has taken to long to come!
— Paul Kagame (@PaulKagame) August 13, 2021
Руанда е спонзор на Арсенал, а играчите на клубот од Лондон на ракавите на дресовите имаат реклама „Посетете ја Руанда“ со цел да се подобри туризмот во африканската држава.
Договорот беше потпишан во 2018 година и важи до крајот на оваа година, а по лоштите настапи на Топчиите во последно време и расположението на претседателот на Руанда, кој е незадоволен од игрите на Арсенал прашање е дали соработката ќе биде продолжена.
За тригодишниот договор Руанда му плати на Арсенал 30 милиони фунти.
