Репрезентациите на Србија и Унгарија ќе играат во финалето на Европското првенство во ватерполо.
Унгарците ја совладаа Грција со 15-12, а Србите кои се домаќини, ја израдуваа публиката со триумф над Италија од 17-13. Двете полуфиналиња беа одлучени во третите четвртини од дуелите кога Унгарците и Србите ја презедоа контролата и не ја испуштија предноста.
Инаку Србија и Унгарија играа меѓусебе и во групната фаза, нашите соседи беа подобри со 15-14 што може да биде најава за одлично и тесно финале.
