Скандал го потресе српскиот тенис. Според одлуката на Меѓународната агенција за интегритет на тенисот, српската тенисерка Мила Машиќ е суспендирана четири години и десет месеца поради местење натпревари, а доби и парична казна од 20.000 долари.
Таа нема да може да излезе на теренот пред 23 октомври 2030 година, што може да значи и крај на кариерата.
Машиќ призна дека во 2024 година учествувала во местење на четири натпревари за финансиска компензација, како и дека не пријавила обиди за корупција. Во текот на досегашната кариера, 28-годишната Мила Машиќ најдобар рејтинг на ВТА-листата имаше кога беше 875-та на светот.
