Фудбалската репрезентација на Србија ќе има значително поголема поддршка на Светското првенство во Катар отколку пред четири години во Русија.
Србите сега повеќе веруваат во својот тим и на мечевите со Бразил, Камерун и Швајцарија во групната фаза во голем број ќе бидат на трибините.
Информациите се дека српските навивачи за трите меча купиле над 12.500 билети, и тоа 4.433 за дуелот со Бразил, а малку помалку од 3.800 за другите два меча.
Иако сите мечеви ќе се играат во Доха, најголемата фан зона планираат да им биде во Дубаи, а во Доха ќе ја делат фан зоната со фановите на другите селекции.
