Последните два меча од групната фаза се играат денеска на кошаркарскиот турнир во Париз. Американците се апсолутни фаворити во дуелот против Порторико, а Србија треба да слави против Јужен Судан, за финиширање на Ц групата.
За Србија ќе навива и селекцијата на Грција бидејќи ако Србите слават со повеќе од три разлика над Јужен Судан, ќе обезбедат Грците да одат во четвртфинале како третопласирана селекција.
Со еден таков расплет, четвртфиналните двојки би изгледале вака: САД – Бразил, Германија – Грција, Канада – Франција и Србија – Австралија. Во полуфиналните дуели ќе вкрстат подобрите од Србија – Австралија со подобриот од Германија – Грција, додека во второто полуфинале ќе се борат победниците од мечевите меѓу САД – Бразил и Канада – Франција.
Во една ваква комбинација, Србите ако победуваат, ги избегнуваат Американците до самото финале, а во нивниот дел од костурот не се ниту силните репрезентации на Канада и Франција.
