Ливерпул со минимални 1-0 на гостувањето кај Шефилд јунајтед ја продолжи победничката низа на седум меча по стартот на новата сезона, а воедно избраниците на Јирген Клоп го остварија 16-тиот последоветелен триумф во Премиер лигата, вклучувајќи ги и победите од последните девет кола од минатата сезона.
Вајналдум ги донесе новите три бода за европскиот првак, неговиот среќен гол во 70-тата минута беше доволен да се надигра повратникот во англиската елита, иако домаќините имаа бројни шанси да приредат изненадување на стартот од седмото коло.
Ударот на Холанѓанецот кој се протна низ рацете и нозете на голманот Хендерсон, беше прв во рамките за гостите, а само неколку минути подоцна Салах можеше да ја запечати победата откако се најде во ситуација сам пред голот на Шефилд, но неговиот обид заврши во телото на Хендерсон.
Ливерпул по ова коло има 21 бод и ја зголеми бодовната разлика во однос на Манчестер сити на табелата на осум бода, додека Граѓаните допрва треба да го одиграат дуелот со Евертон.
https://www.dailymotion.com/video/x7luzls
