Српскиот кошаркарски второлигаш, Колубара од Лазаревац, одлучи на новите дресови да додаде карта од територијата на Косово прекриена со српското знаме. Ваквиот потег на клубот предизвика воодушевување во Србија, но и бура од реакции на Косово.
Од Колубара се пофалија на социјалните мрежи со новите дресови, а освен сликата, беше објавена и порака која гласи: „Никогаш нема да биде загубено тоа што е свето.“ и „Дресот кој го носиме – порака која ја браниме.“
Ваквиот потег сигурно нема да му се допадне на Косово, земја која во 2008 година прогласи независност од Србија, но нашиот северен сосед не ја признава и ја смета за дел од својата територија. Иако Косово не е членка на ООН, сепак е дел од светските спортски организации, како што е ФИБА во случајов.
