Екипата на Промитас се радуваше на триумф во кошаркарската Лига на шампиони, откако во драматичен меч, дури по две продолженија го победи тимот на Вурзбург. За грчкиот тим ова беше прва победа во втората фаза додека Вурзбург го претрпе третиот пораз.
Мечот го одбележа Американецот Џордан Вокер кој постави нов рекорд во ова натпреварување. Вокер постигна 54 поени и тоа со одличен шут. Погоди девет од 11 удари за тројка, за два поени беше 3/6, а за еден поен беше речиси непогрешлив и даде 21 од 22 удари од линијата за слободни фрлања.
Досегашниот рекорд за најмногу поени на меч од ЛШ беше во сопственост на Кефер Сикер и Сабен Ли кои постигнувале по 43 поени. Уште петмина кошаркари постигнале над 40 поени на еден меч во Лига на шампиони.
54, FIFTY-OUR! 😱
EVERY SINGLE POINT from Jordan “Jelly” Walker’s record-breaking night in #BasketballCL 🔥 pic.twitter.com/JLcxspV7O8
— Basketball Champions League (@BasketballCL) March 19, 2025
