Македонската фудбалска репрезентација утре од 18 часот гостува кај Гибралтар во дуел од Лигата на нации, а стадионот „Викторија“ на кој ќе се игра натпреварот кој избраниците на Благоја Милевски мора да го добијат, е необичен, според локацијата.
Стадионот кој има околу 5.000 седишта, се наоѓа веднаш до аеродромска писта.
Веројатно и за време на мечот ќе има полетувања и слетувања на авиони на блиската писта која е веднаш покрај теренот, па амбиентот ќе биде необичен. Македонија и пред четири години гостуваше на овој стадион и победи со 2-0, со голови на Тричковски и Алиоски.
