Манчестер јунајтед на блескав начин ја започна новата сезона во Премиер лигата, откако на „Олд Трафорд“ со убедливи 5:1 го победи Лидс. Црвените ѓаволи на полувремето водеа минимално со 1:0, а во второто полувреме Лидс најпрво израмни на 1:1, за да потоа следуваше шоу на домаќините.
Во главна улога кај Манчестер беа Бруно Фернандеш и Пол Погба. Првиот беше задолжен за погодоци и постигна хет-трик, додека францускиот репрезентативец имаше неверојатни четири асистенции и тоа во само 68 минути.
Фернандеш е само 10-тиот играч во историјата на Премиер лигата што постигнал хет-трик во првото коло. Манчестер јуанјтед таков играч немал од времето на Лоу Макари кој во 1977 година даде три гола на првиот меч против Бирмингем.
3 – Bruno Fernandes is the first Manchester United player to score a hat-trick on the opening day of a league season since Lou Macari vs Birmingham in 1977-78. Superstar. #MUNLEE https://t.co/MZriGuGQhC
— OptaJoe (@OptaJoe) August 14, 2021
Погба минатата сезона во 26 меча во Премиер лигата имаше само три асистенции, а сега за нешто повеќе од еден час нареди четири додавања за гол. Во историјата на Премиер лигата само четворица фудбалери успеале да имаат четири асистенции на еден натпревар, а тој е прв што му успеало вакво нешто во дресот на Црвените ѓаволи.
