Барселона првпат во 21 век е елиминирана од европските купови уште во февруари. Каталонскиот гигант втора година по ред не може да ја помине групната фаза од Лигата на шампионите, а потоа е елиминиран од Лигата на Европа.
Овојпат Барселона загуби од Манчестер јунајтед во дербито на оваа фаза од натпреварувањето со 2:1 на „Олд Трафорд“ и ако се знае дека првиот меч заврши 2:2, автоматски тоа беше крај за тимот на Чави Ернандес.
Неверојатен е фактот дека Барселона во последните 15 натпревари во европските купови против екипи од Топ 5 лигите во Европа има дури девет порази, пет нерешени и само една победа.
Барселона во претходните 50 средби против екипи од Топ 5 лигите имаше само девет порази (плус 10 нерешени и 31 победа), а сега девет порази нареди само во 15 натпревари.
1 – #Barcelona 🔵🔴 have just won one of their last 15 games in Europe against teams from the top 5 European leagues (D5 L9), as many defeats as in their 50 previous such games (W31 D10 L9). Fall. pic.twitter.com/6BCmCIBpYM
— OptaJose (@OptaJose) February 23, 2023
