Мечевите од Топ 5 лигите во Европа и од Лигата на шампионите секогаш се најинтересни за гледање, но никогаш не се знае од каде може да пристигне снимка со неверојатен погодок. Изминатиов викенд, голот за неверување беше постигнат во Иран.
Махан Рахмани е фудбалер на иранскиот тим Пајкан, кој постигна гол директно од аут на мечот против Гол Гохар. Играчот за врска во седмата минута тргна да изведе еден аут и реши тоа да го направи на атрактивен начин. Се залета и со топката во раце направи салто, а потоа ја исфрли во поле.
На големо изненадување, топката заврши во мрежата, а голот беше признат. Погодокот е регуларен затоа што голманот Алиреза Хагхиги ја допре топката, па на тој начин играта стана активна. На крајот, тимот на Пајкан победи со 2:1.
