Голден Стејт вориорс славеше на свој терен против Милвоки со 122:109, во еден од седумте мечеви одиграни ноќеска во НБА лигата. По израмнетата прва четвртина, Воините во вториот квартал го скрши отпорот на гостите и прв пат поведе со двоцифрена предност (54:43). На стартот од третата четвртина, водството на Голден Стејт дојде и до 20 поени предност (78:58) и тогаш беше јасно дека домаќините нема да дозволат луксуз и да го испуштат тоа водство.
Клеј Томпсон со 38 поени беше прв адут во нападот кај победничкиот тим, додека зачудувачки делува фактот дека Стеф Кари постигна само осум поени. Кај актуелниот НБА првак најпрецизен беше Адетокумбо со 31 поени, но тоа не беше доволно за Милвоки да го избегне 26-тиот пораз во 68 меч сезонава. За Голден Стејт ова беше 46-та победа во 68 средби и е на второто место на Западот.
Денвер го претрпе вториот пораз во низа, откако на свој терен загуби од Торонто со 127:115.
Резултати: Чикаго – Кливленд 101:91, Мајами – Минесота 104:113, Сан Антонио – Индијана 108:119, Голден Стејт – Милвоки 122:109, Денвер – Торонто 115:127, Јута – Сакраменто 134:125, Портланд – Вашингтон 127:118.
