Maкедонскиот репрезентативен капитен Стефан Ристовски официјално потпиша нов договор со Динамо Загреб.
Ристовски имаше договор до летото 2024 година, а клубот го врза за уште една после тоа.
„Сакам да му се заблагодарам на клубот, условите ги договоривме за пет минути. Среќен сум и горд што продолжуваме заедно. Динамо е клуб кој ме исполнува и за којшто сум спремен да се борам. Мотивиран сум во завршницата на сезоната и се надевам дека заедно со помош и од нашите навивачи ќе ја одбраниме титулата“, изјави Ристовски.
„Блескавиот македонски дефанзивец претставува армиран бетон во задната линија, а со фуриозни продори по десната страна и острите нафрлувања често внесува неред пред противничките голови. Само пролетва даде дури четири гола, од кои три донесоа победи. Со својата силна енергија, емоција и страст, внесува ведра атмосфера во тимот и со таквиот пристап имстана миленик на навивачите“, објавија од Динамо.
