Македонскиот репрезентативец, Бојан Миовски, остана без тренер во Глазгов ренџерс откако од клубот одлучија да го отпуштат Расел Мартин во неделата по ремито (1-1) против Фалкирк.
Неколку имиња се споменуваа како кандидати за испразнетото тренерско столче во Ренџерс, но во преден план е англиската легенда, Стивен Џерард, но и Хрватот Славен Билиќ.
Според медиумите на Островот, Џерард денес ќе седне со раководството на клубот од Шкотска на преговори и се очекува лесно да се договорат, со оглед на фактот дека легендарниот фудбалер веќе го водеше клубот.
Сепак, доколку се случи нешто непредвидливо и не биде постигнат договор, тогаш во прв план ќе избие поранешниот хрватски селектор Славен Билиќ.
