Елче забележи минимална, но исклучително важна победа од 1-0 на домашен терен против Валенсија во 31-то коло од Ла Лига, во директна битка за опстанок.
Тимот предводен од Едер Сарабија стигна до три бода кои можат да бидат клучни во борбата за останување во елитата, иако гостите имаат за што да жалат според развојот на настаните.
Првата посериозна закана ја имаше Валенсија преку Брајан Хил Бертран, но неговиот удар заврши над голот. До полувремето, Елче немаше многу конкретни ситуации, а натпреварот генерално мина во израмнета и внимателна игра.
Кога се чинеше дека Валенсија ја презема контролата, следеше шок во 73-та минута. По убава акција, резервистот Лукас Сепеда веднаш по влегувањето во игра ја искористи асистенцијата на Фебас и го совлада Столе Димитриевски.
По примениот гол, Валенсија тргна на сè или ништо. Рамазани беше најопасен, но на висина на задачата беше голманот Едгар Бадиа, кој имаше неколку клучни интервенции. Во финишот се закани и Уго Дуро со удар со глава, но без промена на резултатот.
Со оваа победа, Елче излезе од зоната за испаѓање, додека Валенсија остана на 14-тата позиција со 35 бодови.
