Реал Мадрид забележа тешка победа над локалниот ривал Рајо Ваљекано со 2-1 и се врати на втората позиција на табелата во шпанската Примера. Столе Димитриевски одигра цел натпревар за Рајо Ваљекано, но не успеа да ја спаси својата екипа од пораз на “Сантијаго Бернабе“.
Реал Мадрид дојде во водство во 30-тата минута преку погодокот на Карим Бензема.
Студен туш на “Сантијаго Бернабе“ приреди Раул де Томас во 84-тата минута кога израмни на 1-1.
Сепак, на крајот Реал Мадрид успеа да запише нова победа и преку Родриго во 89-тата минута повторно дојде во водство, овојпат од 2-1, што на крајот се покажа и како конечен резултат на овој натпревар.
