Репрезентативниот голман на Македонија, Столе Димитриевски, и 12-ти натпревар оваа сезона во Ла Лига успеа да ја сочува својата мрежа чиста. Сепак, неефикасен беше и нападот на Рајо Ваљекано, па домашниот дуел против Хетафе заврши без голови, 0-0.
За нашиот голман ова е втор натпревар по ред во Ла Лига на кој успева да ја сочува својата мрежа. Рајо Ваљекано со овој бод останува над опасната зона, а предноста пред Кадис сега е шест поени.
