Норвешкиот скијач Александер Омот Килде имаше тежок пад за време на спустот на патеката во Венген, а потоа со хеликоптер беше пренесен во најблиската болница. Пред самата целна линија, на последниот свиок, Колде загуби рамнотежа и со брзина од 145 километри на час падна и удри во заштитната ограда.
Трката веднаш беше прекината и тој прекин траеше половина час во кој му се укажуваше помош на повредениот скијач. Засега не е познато колку е сериозна повредата, но падот дефинитивно беше опасен.
Ова е втор тежок пад за само два дена, откако вчера на велеслаломската патека во Венген, тежок пад имаше францускиот скијач Алексис Пинтуро.
