Александар Трајковски вечерва постигна гол на кариерата за Македонија во неговиот град Палермо и со прецизниот удар во 92-рата минута го урна мундијалскиот сон на Италија.
https://twitter.com/LG_65/status/1507118057088589835?s=20&t=uRlv_WkvkMko61nlJ69VBg
Македонија ќе го игра завршниот бараж-меч за настап на Мундијалот во Катар против Португалија на 29 март во Порто, а голот на Трајковски има и многу симболика.
Играше од 2015 до 2019 за УС Чита ди Палермо, како што беше оригиналното име на клубот, и тој го даде последниот гол пред големата криза на „Розевите“ што ги однесе во Серија Д пред три години. Потоа и клубот го смени името во Палермо фудбал клуб и сега игра во Серија Ц во Италија.
Trajkovski, l’autore dell’ultimo gol nella storia del’US Città di Palermo, segna a Palermo il gol che esclude l’Italia dal Mondiale.
— Benny Giardina (@bennygiardina) March 24, 2022
Стрелецот на последниот гол за Палермо со старото име вечерва го расплака градот Палермо со сензационален гол во 92-рата минута, со кој Македонија приреди уникатна сензација и го победи актуелниот европски првак и четирикратен светски шампион Италија.
