Фудбалерите не се расположени за давање голови по првото полувреме на четирите натпревари од 18-то коло во Премиер лигата бидејќи беа постигнати само три гола.
Тотенхем води со 2:0 по првиот дел во дуелот против Евертон.
Петлите двата гола ги дадоа во воведните минути, прво во деветтата минута Ришарлисон го отвори резултатот, а потоа Хјонг-Мин Сон во 18-та минута зголеми на 2:0.
Изненадувачки резултат по првиот дел има на „Кенилворт роуд“ каде Лутон води со 1:0 против Њукасл. Голот кој ги израдува домашните навивачи го постигна Андрос Таусенд во 25-та минута.
На останатите два меча, Фулам – Барнли и Нотингам форест – Борнмут немаше голови по првиот дел.
