Вчера попладне во уплатно место на Sport Life во Струмица бил уплатен тикет со шест фудбалски мечеви и тикетот на којшто се уплатени само 30 денари е добитен и носи бруто-добивка од над 115.000 денари.
Овој струмичанец бил прецизен во своите предвидувања, но имал и голема доза среќа синоќа околу 23 часот.
За добивка чекал и победи на римските Лацио и Рома во Лигата на Европа, а Орлите и Волчицата головите за победа го постигнаа многу доцна. Лацијалите со двајца играчи помалку на терен до победата против Викторија П’лзењ дојдоа во 98-мата минута со гол на Исаксен.
Рома го совлада Атлетик Билбао со гол на Шомуродов во 93-тата минута, па така римските клубови се најзаслужни што тикетот кој вреди да се спомне е добитен.
