Струмица во последните неколку дена е во „топ форма“ кога се во прашање добитни тикети со огромна добивка. Уште еден во низата е тикетот уплатен во неделата, на којшто беа наредени осум меча со конечен тип и гол-гол и седум од нив поминаа истиот ден.
Осмиот натпревар треба да се одигра вечерва, тоа е мечот од холандското првенство меѓу АЗ Алкмар и РКЦ Валвијк, а одличниот типстер се одлучи за кеш аут, односно да подигне исплата без да го чека последниот натпревар.
Добивката и вака е одлична, си зеде околу 4.000 евра, односно 247.259 денари, и сето тоа со уплата само од 50 денари.
Доколку се одлучеше да го чека последниот натпревар, ќе чекаше добивка од околу 13.000 евра, односно 831.501 денари.
