Поранешниот фудбалер на Струга Трим Лум, Сава Радиќ, направи херојски потег за време на натпревар на Малта. Радиќ, кој од 2022 до 2025 година одигра 91 средба во дресот на Струга, летоска премина во Валета, а викендов на куп-меч со Хамрун спартанс, му го спаси животот на противничкиот фудбалер, Матијас Гарсија.
Гарсија по еден судир, падна на тревата. Радиќ веднаш му пружи прва помош, му го извади јазикот и го спаси колегата од гушење.
„Се обидов да му ја отворам устата, но тоа беше тешко. Некако успеав, и видов дека јазикот му е назад. Успеав да му го наместам јазикот и така тој почна да дише. Во еден момент почна силно да ги стиска забите и да ме гризе, но морав да продолжам. Адреналинот си го направи своето, дури кога се оддалечив, почувствував болка во рацете, но најважно е што тој е добро“, раскажа Радиќ.
Nišlija Sava Radić spasao život protivničkom igraču pic.twitter.com/dbAg9e6sRR
— Aleksandar Ilić (@aleks89ilic) March 8, 2026
