Милан до последните 10 минути од регуларниот дел имаше водство против Атлетико Мадрид, но на крајот загуби со 2:1.
На враќањето на својот стадион во најелитното европско натпреварување, Уругваецот ја расипа забавата на домаќините со гол во 97-мата минута.
Претходно, голот за израмнување беше дело на Антоан Гриезман во 83-тата минута, додека Милан поведе со голот на Рафаел Леао во првиот дел.
Сепак, домашниот тим ќе има многу замерки за судијата Гунејт Чакир, кој најпрвин во 24-тата минута му даде црвен картон на Франк Кеси, а потоа во последните мигови досуди и пенал, иако таа одлука се чини дека беше праведна.
Со оваа победа, Атлетико дојде до четвртиот бод во групата Б, додека Милан е последен со нула. Напред е Ливерпул, кој има максимален скор откако со 5:1 го декласира Порто, и тоа на гостински терен.
https://twitter.com/DZmafiia13/status/1442958485927329800
