Според сите најави, Барселона летово ќе претрпи сериозни измени во играчкиот кадар, има многу шпекулации кој ќе си замине, кој ќе остане, а една од најсериозните опции е дека Мемфис Депај од Лион ќе се пресели на „Камп ноу“, се разбира по барање на новиот тренер Роналд Куман кој работеше со него во холандската репрезентација.
Барса ќе го освежува нападот, но сегашниот прв шпиц, Луис Суарес, не е информиран за тоа. Уругваецот сака да остане во клубот, и нема намера сам да побара заминување, ниту некој му кажал дека треба да си оди, но рече дека ако од клубот му кажат дека веќе не сметаат на него, нема проблем среќата да си ја побара на друго место. Има клубови кои би сакале да го имаат Суарес во составот. Суарес и да остане во Барса, веројатно нема да биде стартер како сега.
Куман сака свои сонародници во тимот, планира да го доведе Депај, а една фотографија на Инстаграм потврдува дека и некогашната голема утка на Манчестер јунајтед, е подготвен за трансфер во Каталонија. Депај објави слика со неговиот син, а детето носи дрес на Барселона. Дали Мемфис веќе го подготвува синот за преселба во Барселона, или ова е само случајност, ќе покаже времето.
