Фудбалската репрезентација на Аргентина во неделата по третпат стана светски шампион, по 36 години откако за последен пат ја кренаа Златната божица, а во походот ја предводеа Диего Марадона и Лионел Меси.
Интересно е што при освојувањето на титулата во 1986 и годинава постојат четири неверојатни сличности.
Имено, на двата Мундијали, Мароко завршуваше како првопласиран во својата група, а Белгија беше трета. Разликата е во тоа што на СП во Катар двете репрезентации играа во иста група, а во Мексико пред 36 години беа во различни групи.
Втората случност е таа што Англија на двете Светски првенства во осминафиналето победуваше со 3:0, а во четвртфиналето загуби со 2:1. Во Мексико, Англија славеше над Парагвај, а потоа загуби од Аргентина, а сега на СП во Катар го совлада Сенегал, по што загуби од Франција.
Бразил и на двата Мундијали беше елиминиран во четвртфиналето, и тоа на пенали.Кариоките на СП 1986 беа поразени од Франција, а во Катар од Хрватска.
Последниот податок е најневеројатен, двајцата судии што ги судеа финалињата, сега во Катар и тоа во Мексико, се родени на ист ден, 7 јануари. На СП 1986 година финалето го судеше Ромуалдо Филјо, а во неделата тоа беше Симон Марчињак.
