На судијата Џон Скајли му се слоши за време на Кошаркарската лига во Џејмстаун во Њујорк. Среќа во несреќата е тоа што еден од кошаркарите остана смирен и успеа да му помогне и да му го спаси животот.
Играчот Мајлс Копленд кој инаку работи како пожарникар почна со реанимација, која по неколку минути дала ефект и судијата бил спасен.
„Имам развиен инстикт да реагирам. Нема многу време за размислување. Му го проверив пулсот и проверив дали дише. Не почувствував пулс и почнав да му давам вештачко дишење, за што сум обучен“, рече кошаркарот аматер кој стана херој на кошаркарскиот дуел.
По 30 минути реанимација, судијата успеал да се освести и во будна состојба бил пренесен во болница.
