Неочекуван инцидент се случи на мечот од колумбиското првенство кога еден фудбалер реши да ја нападне главната судијка. Екипата на Реал Алијанца Катагера беше домаќин на тимот на Депортиво Кике, а довербата да ја дели правдата ја доби судијката Ванеса Себалос.
Во 66-тата минута домашниот играч Хавиер Боливар имаше неспортски испад, а откако судијката Себалос му покажа црвен картон, се случи неочекуваното. Фудбалерот стана од клупата и дотрча до аут-линијата, каде што беше судијката, и ѝ удри шлаканица.
Судијката веднаш му врати удирајќи го со нога, а останатите фудбалери ја спречија налутената Себалос да се обиде да стигне до тепачот од домашниот тим.
По мечот, фудбалерот тврдеше дека не било намерно удирањето, туку само дека сакал да ѝ го одземе свирчето од устата на судијката. Сепак, ова извинување не наиде на разбирање кај челниците на неговиот клуб и Боливар е избркан од екипата. Сега му се заканува и долга суспензија од колумбиските фудбалски власти.
„Признавам дека моето однесување беше непримерно, недостојно за спортист, но и за обичен човек. Направив глупост обидувајќи се да го земам свирчето од устата на судијката. Сосема погрешив и сакам да испратам порака дека ова никогаш не смее да се повтори никаде. Сакам апсолутно да потенцирам дека во ниту еден момент немаше физичка агресија кон судијата“, рече Боливар.
