Судот во Шпанија најде соломонско решение, за тоа дали треба да се играат мечеви од Примера во петоците и понеделниците. Клубовите се бунеа, дури најавија и штрајк, само за да не играат во овие два дена од неделата. Целата ситуација стигна до судот, и решението беше донесено да има мечеви во петок, а да се презакажат тие кои требало да се играат во понеделниците.
Новата сезона во Примера ќе започне следниот петок со дуел меѓу Атлетик Билбао и Барселона. Дуелот од првото коло меѓу Мајорка и Еибартребаше да го затвори првото коло и да играат во понеделник, но сега тоа нема да се случи. Најверојатно тој меч на Мајрока ќе се игра во неделниот термин, кога би требало да го видиме и дебито на македонсиот репрезентативец Александар Трајковски во шпанското првенство.
Трајковски кој во изминативе четири години го носеше дресот на Палермо, како слободен играч дојде во тимот на Мајорка.
