По два месеци пауза, денеска продолжуваат возбуувањата во Прва фудбалска лига на Македонија. Уште во првото коло од 2025 година има неколку интересни дуели, а во фокусот ќе биде пресметката на арената „Тодор Проески“ меѓу Вардар и Шкендија.
Според изгледот на табелата, гостите од Тетово треба да се големи фаворити за победа, затоа што тие се борат за титулата, а Вардар е во опасната зона за испаѓање, но не треба да се заборави и фактот дека најтрофејниот клуб во Македонија донесе неколку нови фудбалери во зимскиот преоден рок и тие треба да бидат засилување.
И традицијата е на страна на Шкендија. Тетовци доминираат во последните 19 пресметки со Вардар и имаат 11 победи и осум нерешени без ниту еден пораз. Вардар последен пат славел над Шкендија во октомври 2017 година кога беше 4:2 на дуелот во Скопје.
Во останатите мечеви кои се играат во 19 коло, се среќаваат: Гостивар – Струга, Пелистер – Брера, Шкупи – Работнички, Силекс – Тиквеш и Воска – Беса.
