Само четири од почетните 24 репрезентации останаа во трка за трофејот наменет за европскиот првак. Фудбалските велесили Шпанија, Англија, Франција и Холандија се пласираа во полуфиналето, а на крајот само една ќе се радува.
На 9 јули во Минхен во првото полуфинале ќе играат Шпанија и Франција, а 24 часа подоцна, на стадионот во Дортмунд ќе играат Англија и Холандија. Секоја селекција има свои шанси за да стигне до златото, а суперкомпјутерот направи пресметки какви се тие шанси изразени во проценти.
Како прв фаворит се издвојува Шпанија на која и се даваат 32,17 отсто шанси дека може да биде европски првак. Франција е со 27,31 отсто шанси да биде на континенталниот трон. Токму овие две селекции меѓу себе ќе играат во полуфиналето.
Англија која пред три години играше во финалето на ЕП сега е со шанси од 26,59 отсто да стане европски првак, а најмалку шанси се даваат на Холандија. За лалињата остануваат само 13,93 отсто шанси да стигне до златото и да го повтори успехот од 1988 година кога Холандија за прв и единствен пат беше европски шампион.
Шпанија е најтрофејна селекција во историјата на ЕП со три златни трофеи. Франција била два пати првак, Холандија само еднаш, а Англија никогаш го нема освоено европското првенство.