Вечерва, со почеток во 19 часот, во спортската сала „26 Април“ во Гевгелија ќе се одигра ракометниот машки Суперкуп натпревар помеѓу Еурофарм Пелистер и Алкалоид, со што ќе стартува новата сезона во домашниот ракомет.
Битолчани како шампиони за минатата сезона и учесници во Лигата на шампионите се фаворити на хартија против освојувачот на Купот на Македонија, Алкалоид, но и Фармацевтите си имаат свои сметки и гледаат шанса за освојување на нов трофеј, како што изненадија во Купот.
Натпреварот ќе биде емитуван во живо на програмата на МРТВ, а пренос може да се гледа и на Јутјуб на следниот ЛИНК.
