Голманот на Фросиноне, Стефано Турати е суспендиран на еден меч поради „кажување на израз на богохулие“. Инцидентот се случи на дуелот од првото коло во кое Фросиноне на свој терен играше против Наполи и загуби со 1:3.
Додека траел мечот, во еден момент, 21-годишниот голман на Фросиноне го опцул Господ. По прегледување на видео и аудио снимката, челниците на Серија А утврдиле дека Турати направил прекршок кој се казнува со суспензија.
Ситуацијата била во 15 минута кога Наполи требало да изведе корнер, а наводно пцовката на Турати била упатена кон неговиот соиграч Матео Политано кој не бил правилно поставен во дефанзива. Голманот на Фросиноне ќе го пропушти мечот од второто коло кога ќе играат против Аталанта.
Турати е четврти фудбалер во Италија кој е казнет поради пцуење на Бог. Првиот казнет е играчот на Удинезе Роландо Мандрагон во 2018 година, а потоа суспендирани беа и Мануел Лацари од Лацио во 2021 и легндарниот голман на Јувентус Џанлуиџи Буфон.
