Килијан Мбапе ќе може да игра на „Ел Класико“ против Барселона, и во Ла Лига, но и во финалето на Купот на кралот, откако доби минимална казна од само еден натпревар суспензија за црвениот картон што го заработи против Алавес.
Контроверзниот старт на францускиот напаѓач предизвика бурни реакции и се шпекулираше дека би можел да добие суспензија од еден до три меча, што ќе значеше и можно отсуство од дуелот со Барса. Сепак, дисциплинската комисија одлучи да го казни со само еден меч пауза.
Тоа значи дека Мбапе ќе го пропушти натпреварот против Атлетик Билбао, но ќе биде целосно подготвен за дербито со каталонскиот гигант, што е голем плус за Карло Анчелоти и за Реал Мадрид во битката за трофеите во Шпанија.
