Талентираниот шпански тенисер Карлос Алкараз го освои својот прв АТП турнир 1000, откако во финалето во Мајами, во 7:5, 6:4 беше подобар од Каспер Руд од Норвешка.
Алкараз е 18-годишен тинејџер и според многумина тениски стручњаци, тој ќе биде наследникот на Рафаел Надал. На турнирот во Мајами, тинејџерот блескаше и заслужено стигна до неговиот прв ваков трофеј.
🏆 @alcarazcarlos03 WINS HIS FIRST-EVER @atptour MASTERS 1000 TITLE IN MIAMI 🏆 pic.twitter.com/WsEBJzVZNh
— Miami Open (@MiamiOpen) April 3, 2022
Во 37-годишната историја на турнирот во Мајами, Шпанецот стана најмладиот освојувач со само 18 години и 11 месеци. Карлос е и третиот најмлад освојувач на еден Мастерс 1000 турнир, веднаш зад Мајкл Ченг и Рафаел Надал.
