Некогашниот НБА кошаркар Павел Подколжин стана официјално највисокиот фудбалер во историјата. Тој ги облече копачките и заигра за тимот на Амкал во ФОНБЕТ Купот на Русија.
Подколжин е висок дури 226 сантиметри, а професионалната кошаркарска кариера ја заврши во 2019 година, кога настапуваше за Универзитетот Југре од Сургут. Во кариерата играше и во НБА лигата. Во 2004 година беше избран како 21 пик на НБА драфтот од тимот на Јута џез, а потоа беше трејдуван во Далас маверикс. Во периодот од 2004 до 2006 година имаше шест настапи за Далас.
Сега, на 40 години, Подколжин дебитираше и тоа како стартер во тимот на Амкал во ФОНБЕТ Купот на Русија и со тоа стана највисокиот кошаркар во историјата на фудбалот.
