Од фудбалот до денес не можеше да се стане милијардер. Но, Кристијано Роналдо ги урива сите бариери, па покажа дека како фудбалска икона, но и со спортскиот бренд кој го изгради околу своето име, може да се стигне до неверојатни височини, а, секако, и до финансиска заработка.
Според „Блумберг“, Кристијано Роналдо е првиот фудбалер кој станал милијардер ако се смета само заработката од фудбалот, без маркетинг и други приходи. Од 2002 до 2023 година, Роналдо заработил „само“ 550 милиони долари, но со трансферот во Ал-Наср обезбедил 200 милиони долари годишно, плус 30 милиони само за потпис. Со оглед на тоа што ова му е трет календарски период во Ал-Наср и се ближи кон крајот, јасно е дека ја надминал границата од милијарда долари.
За споредба, Лионел Меси заработил значително помалку, околу 600 милиони долари во кариерата, вклучувајќи го и договорот со Интер Мајами, каде што заработува 20 милиони годишно.
Кристијано Роналдо има и свој бренд „CR7“, ланци хотели, теретани, луксузен голф-резорт близу Лисабон, недвижнини, а ако се додаде и фактот дека е најпопуларна личност на Инстаграм со 660 милиони следбеници, јасно е дека инкасира огромни приходи.
