Интер Мајами и Лионел Меси се вратија на победите во американската МЛС-лига откако со 3:1 победија на гости кај Лос Анџелес. Оваа екипа на Лос Анџелес важи за една од најдобрите во лигата, но едноставно немаше сили да се спротивстави на тимот предводен од Меси.
Аргентинскиот виртуоз овојпат не постигна гол, но имаше две одлични асистенции за погодоци на неговите соиграчи Кампана и Алба.
На стадионот имаше голем број светски ѕвезди. Едноставно, цела листа на американскиот џет-сет се појави на стадионот, а посебно интересна беше реакцијата на музичката ѕвезда Селена Гомес, и тоа по едно промашување на Меси.
