Алексис Мекалистер, аргентинскиот репрезентативец, за кого постои голем интерес од сите англиски гиганти, во летниот преоден рок ќе го напушти Брајтон и ќе се пресели во Ливерпул, објави новинарот кој е експерт за трансфери, Фабрицио Романо.
Менаџерот на Ливерпул, Јирген Клоп, најави дека ќе направи ремонт на тимот и токму Мекалистер го гледа како идеално решение во средниот ред. Мекалистер кој со Аргентина минатата година стана светски шампион, сезонава одигра 40 натпревари за Брајтон и постигна 12 гола, а имаше и три асистенции.
https://twitter.com/FabrizioRomano/status/1664894686790832130?s=20
Романо тврди дека таткото на Аргентинецот деновиве треба да пристигне во Англија на преговори кои се очекува успешно да завршат бидејќи и самиот фудбалер сака да се пресели на „Енфилд роуд“.
Се очекува отштетата да не биде помала од 70 милиони евра.
