Тениската сензација Карлос Алкараз, кој е во моментов светски рекет број еден полека, но сигурно се навикнува на живот како познатите.
Шпанецот е актуелен првак на Отвореното првенство на САД, а тој во едно интервју откри што му се променило во последните месеци.
„Свесен сум дека станувам сè попознат, а на ‘Инстаграм’ добивам сè повеќе непристојни понуди. Навистина ми е непријатно кога некоја славна личност ќе ми пријде и ќе ме препознае бидејќи до пред некое време речиси никој и да не ме знаеше“, изјави Алакраз.
Младиот Шпанец со 19 години стана најмладиот освојувач на гренслем, а според сите прогнози, тој се очекува да доминира со светскиот тенис во наредните години.
